امریکا اورزمبابوے کی خواتین ٹیموں کے درمیان پہلا ٹی ٹونٹی کرکٹ میچ 25 اپریل کو کھیلا جائے گا

بدھ 23 اپریل 2025 13:25

ڈلاس (اُردو پوائنٹ اخبارتازہ ترین - اے پی پی۔ 23 اپریل2025ء) امریکا اور زمبابوے کی خواتین کرکٹ ٹیموں کے درمیان تین ٹی ٹونٹی انٹرنیشنل میچوں پر مشتمل سیریز کا پہلا میچ 25 اپریل کو گرینڈ پریری سٹیڈیم، ڈلاس میں کھیلا جائے گا ۔زمبابوے کی خواتین کی قومی کرکٹ ٹیم ان دنوں امریکا کے دورہ پر ہے جہاں وہ میزبان ویمنز ٹیم کے خلاف تین ٹی ٹونٹی اور دو ایک روزہ بین الاقوامی میچوں کی سیریز کھیلے گی۔

(جاری ہے)

امریکا اور زمبابوے کی ویمنز ٹیموں کے درمیان 3 ٹی ٹونٹی کرکٹ میچوں کی سیریز کا آغاز 25 اپریل کو پہلے ٹی ٹونٹی میچ سے ہوگا یہ میچ گرینڈ پریری سٹیڈیم، ڈلاس میں کھیلا جائے گا۔دونوں ٹیموں کے درمیان سیریز کا دوسرا ٹی ٹونٹی میچ 27 اپریل کو کھیلا جائے گا جبکہ تیسرا اور آخری ٹونٹی میچ 29 اپریل کو کھیلا جائے گا۔ٹی ٹونٹی سیریز مکمل ہونے کے بعد دو ون ڈے میچوں کی سیریز کا پہلا میچ یکم مئی کو کھیلا جائے گا جبکہ دوسرا اور آخری ون ڈے میچ 3مئی کو کھیلا جائے گا۔دونوں ٹیموں کے درمیان ٹی ٹونٹی اور ون ڈے سیریز کے تمام میچز گرینڈ پریری سٹیڈیم، ڈلاس میں ہی کھیلے جائیں گے۔\932