Live Updates

آخری اوورز میں اسلام آباد یونائیٹڈ کی زبردست گیند بازی

آخری 6 اوورز میں بدترین بلے بازی کے باعث ملتان سلطانز بڑا ہدف دینے میں ناکام ہو گئی

محمد علی بدھ 23 اپریل 2025 21:47

ملتان ( اُردو پوائنٹ اخبارتازہ ترین۔ 23 اپریل 2025ء ) آخری اوورز میں اسلام آباد یونائیٹڈ کی زبردست گیند بازی، آخری 6 اوورز میں بدترین بلے بازی کے باعث ملتان سلطانز بڑا ہدف دینے میں ناکام ہو گئی، مقررہ 20 اوورز میں 6 وکٹوں کے نقصان پر 168 رنز بنا سکی، ملتان کی جانب سے عثمان خان نصف سینچری اسکور کر کے نمایاں رہے۔ ملتان میں ہو رہے پی ایس ایل 10 کے اس اہم میچ میں ملتان سلطانز نے اسلام آباد یونائیٹڈ کیخلاف ٹاس جیتا۔

(جاری ہے)

اپنے ہوم گراؤنڈ پر دوسری فتح حاصل کرنے کیلئے کوشاں سلطانز کا پہلے بیٹنگ کرنے کا فیصلہ کیا۔ دفاعی چیمپیئن اسلام آباد یونائیٹڈ ٹورنامنٹ میں اب تک ناقابل شکست ہے۔ ایونٹ میں اسلام آباد یونائیٹڈ نے 4 میچ کھیلے اور چاروں میں کامیابی حاصل کر کے ٹیبل پوائنٹس پر سرفہرست ہے جبکہ ملتان سلطانز نے 4 میچز کھیل کر ایک میں فتح سمیٹی اور تین میں ناکامی کا سامنا کرنا پڑا، اس وقت ٹیبل پوائنٹس پر ملتان سلطانز کے دو پوائنٹس ہیں۔