Live Updates

کراچی کنگز اور کوئٹہ گلیڈی ایٹرز کی ٹیمیں پاکستان سپر لیگ 10 کے 15ویں میچ میں جمعہ کو پنجہ آزمائی کریں گی

جمعرات 24 اپریل 2025 10:00

اسلام آباد (اُردو پوائنٹ اخبارتازہ ترین - اے پی پی۔ 24 اپریل2025ء) پاکستان سپر لیگ 10 میں کل(جمعہ کو) واحد میچ کراچی کنگز اور کوئٹہ گلیڈی ایٹرز کے مابین کھیلا جائے گا۔ پاکستان کرکٹ بورڈ(پی سی بی )کے زیر اہتمام پی ایس ایل کے دسویں ایڈیشن کے دلچسپ مقابلوں کا سلسلہ جاری ہے،جس میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں۔

لیگ کے 15 ویں میچ میں جمعہ کو کراچی کنگز اور کوئٹہ گلیڈی ایٹرز کی ٹیمیں قذافی کرکٹ سٹیڈیم،لاہور میں مدمقابل ہوں گی۔ میچ رات 8 بجے شروع ہو گا اور فلڈ لائٹس کی روشنی میں کھیلا جائے گا۔ کراچی کنگز کو مایہ ناز آسٹریلوی بلے باز ڈیوڈ وارنر لیڈ کر رہے ہیں اور دیگر نمایاں کھلاڑیوں میں شان مسعود،جیمز وینس،خوشدل شاہ،عرفان خان،ٹم سیفرٹ،محمد نبی،حسن علی،فواد علی،ایڈم ملن اور زہد محمود شامل ہیں۔

(جاری ہے)

کراچی کنگز کی ٹیم لیگ میں 5 میچز کھیل چکی ہے جن میں اس کو تین میں فتح اور دو میں شکست کا سامنا کرنا پڑا ہےاور وہ 6 پوائنٹس کے ساتھ پوائنٹس ٹیبل پر دوسری پوزیشن پر ہے۔کوئٹہ گلیڈی ایٹرز کی ٹیم مایہ ناز آل رائونڈر سعود شکیل کی زیر قیادت میدان میں اترے گی، دیگر نمایاں کھلاڑیوں میں مارک، چیپمین ،ریلی روسو،فن ایلن، حسن نواز،فہیم اشرف،شعیب ملک،حسیب اللہ خان،کوسل مینڈس،ابراراحمد،محمد عامر،سین ایبٹ اور کائل جیمیسن شامل ہیں۔

کوئٹہ گلیڈی ایٹرز کی ٹیم تین میچز کھیل چکی ہے جن میں اس کو ایک میچ میں فتح نصیب ہوئی جبکہ دو میں شکست ہوئی ہے۔کوئٹہ گلیڈی ایٹرز کی ٹیم ٹیبل پر دو پوائنٹس کے ساتھ پانچویں نمبر پر ہے۔ ٹورنامنٹ کا فائنل 18 مئی کو قذافی سٹیڈیم، لاہور میں کھیلا جائے گا۔\932