ٹرانسپورٹ خدمات کی برآمدات میں جاری مالی سال کے پہلے 9 ماہ میں 26 فیصد اضافہ

جمعرات 24 اپریل 2025 13:40

اسلام آباد (اُردو پوائنٹ اخبارتازہ ترین - اے پی پی۔ 24 اپریل2025ء) ٹرانسپورٹ خدمات کی برآمدات میں جاری مالی سال کے پہلے 9 ماہ میں سالانہ بنیادوں پر 26 فیصد اضافہ ریکارڈکیاگیا ہے۔

(جاری ہے)

سٹیٹ بینک کی جانب سے جاری اعدادوشمار کے مطابق مالی سال کے پہلے 9 ماہ میں ٹرانسپورٹ خدمات کی برآمدات کاحجم 712 ملین ڈالر ریکارڈکیاگیا جو گزشتہ مالی سا ل کی اسی مدت کے 564 ملین ڈالر کے مقابلہ میں 26 فیصد زیادہ ہے۔

مارچ میں ٹرانسپورٹ خدمات کی برآمدات سے ملک کو 92 ملین ڈالر زرمبادلہ حاصل ہوا جو گزشتہ سال مارچ کے 69 ملین ڈالر کے مقابلہ میں 33فیصد زیادہ ہے۔ فروری کے مقابلہ میں مارچ میں ٹرانسپورٹ خدمات کی برآمدات ماہانہ بنیادوں پر ایک فیصد کی کمی ہوئی ہے۔ فروری میں ٹرانسپورٹ خدمات کی برآمدات سے ملک کو 93 ملین ڈالر زرمبادلہ حاصل ہوا تھا۔