Live Updates

کراچی کنگز کی تگڑی بیٹنگ لائن آسان ہدف حاصل کرنے میں ناکام

لاہور میں سنسنی خیز مقابلے کے بعد کوئٹہ گلیڈی ایٹرز فتح حاصل کرنے میں کامیاب

محمد علی جمعہ 25 اپریل 2025 23:43

لاہور ( اردوپوائنٹ اخبار تازہ ترین ۔ 25 اپریل 2025ء ) کراچی کنگز کی تگڑی بیٹنگ لائن آسان ہدف حاصل کرنے میں ناکام، لاہور میں سنسنی خیز مقابلے کے بعد کوئٹہ گلیڈی ایٹرز فتح حاصل کرنے میں کامیاب، 144 رنز کے ہدف کے تعاقب میں کراچی کنگز مقررہ 20 اوورز میں 8 وکٹوں کے نقصان پر 137 رنز بنا سکی۔ اس سے قبل پہلی اننگ میں کوئٹہ گلیڈی ایٹرز کی ٹیم 143 رنز بنا کر پویلین لوٹ گئی تھی، فہیم اشرف 43 رنز بنا کر نمایاں رہے، کراچی کی جانب سے حسن علی 3 وکٹیں حاصل کر کے نمایاں رہے۔

(جاری ہے)

پاکستان سپر لیگ 10 کے 15 ویں میچ کے سلسلے میں کراچی کنگز اور کوئٹہ گلیڈی ایٹرز کی ٹیمیں لاہور میں آمنے سامنے آئیں۔ کراچی کنگز کے کپتان نے گلیڈی ایٹرز کے خلاف ٹاس جیت کر پہلے فیلڈنگ کرنے کا فیصلہ کیا۔ 15 ویں میچ کے نتیجے کے بعد کوئٹہ گلیڈی ایٹرز کی فتوحات کی تعداد 2 ہو گئی، جبکہ کراچی کنگز اب تک 3 فتوحات حاصل کر چکی۔