علامہ اقبال ایکسپریس کو حادثہ، مسافر بوگیاں پٹڑی سے اتر گئیں

حادثہ کوٹری ریلوے اسٹیشن کے قریب پیش آیا، مسافروں میں خوف و ہراس

ہفتہ 26 اپریل 2025 18:35

کوٹری(اُردو پوائنٹ اخبارتازہ ترین - این این آئی۔ 26 اپریل2025ء)علامہ اقبال ایکسپریس ٹرین کو حادثہ پیش آیا، جس سے مسافر بوگیاں پٹڑیس ے اتر گئیں۔

(جاری ہے)

ریلوے حکام کے مطابق پنجاب سے کراچی جانے والے علامہ اقبال ایکسپریس کو حادثہ کوٹری ریلوے اسٹیشن کے قریب پیش آیا، جس میں 2 مسافر بوگیاں پٹڑی سے اتر گئیں۔حادثے سے ٹرین کے مسافروں میں خوف و ہراس پھیل گیا۔بعد ازاں ریلوے کے عملے نے اطلاع ملنے پر مرمتی کام شروع کیا۔ حکام نے بتایاکہ حادثہ ڈائون ٹریک پر ہوا ہے، مزید کئی گھنٹے مرمت میں لگ سکتے ہیں۔ حادثے کے بعد دیگر ٹرینوں کو پلیٹ فارم نمبر 4 سے روانہ کیاگیا۔