Live Updates

اس طرح میچ گفٹ کرنا ناقابل قبول ہے

کراچی کنگز کے کپتان ڈیوڈ وارنر جیتا جتایا میچ ہارنے پر برہم

اتوار 27 اپریل 2025 11:20

کراچی (اُردو پوائنٹ اخبارتازہ ترین - این این آئی۔ 27 اپریل2025ء)پی ایس ایل 10 کے 15ویں میچ کوئٹہ گلیڈی ایٹرز نے کراچی کنگز کو 5 رنز سے شکست دے دی، میچ کے اختتام پر کنگز کے کپتان نے ہارنے کی وجہ بتائی ہے۔ایچ بی ایل پی ایس ایل 10 کے 15ویں میچ میں کوئٹہ گلیڈی ایٹرز نے کراچی کنگز کو دلچسپ مقابلے کے بعد 5 رنز سے شکست دے دی تھی۔لاہور کے قذافی اسٹیڈیم میں کھیلے گئے میچ میں کراچی کنگز نیکوئٹہ گلیڈی ایٹرز کے خلاف ٹاس جیت کر فیلڈنگ کا فیصلہ کیا تھا۔

(جاری ہے)

کوئٹہ گلیڈی ایٹرز کی ٹیم آخری اوور میں 142 رنز بناکر آؤٹ ہوگئی تھی کوئٹہ کے 143رنز کے ہدف کے جواب میں کراچی کنگز کی ٹیم مقررہ 20 اوورز میں 8وکٹ پر 137رنز بناسکی تھی۔تاہم میچ میں شکست کے بعد کراچی کنگز کے کپتان ڈیوڈ وارنر نے گفتگو میں کہا کہ لڑ کر ہاریں تو کوئی مسئلہ نہیں لیکن اپوزیشن کو اس طرح میچ گفٹ کرنا ناقابل قبول ہے۔کراچی کنگز کے کپتان ڈیوڈ وارنر جیتا جتایا میچ ہارنے پر برہم ہوگئے انہوں نے کہا کہ گیند بازوں نے شاندار پرفارمنس دی لیکن ٹاپ آرڈر کے آؤٹ ہونے کے بعد بلے بازوں نے بالکل بھی مثبت کرکٹ نہیں کھیلی۔