Live Updates

صوبائی وزیر خواجہ سلمان رفیق کی لاہور ایئرپورٹ پر عازمین حج کے اعزاز میں منعقدہ تقریب میں بطور مہمان خصوصی شرکت

منگل 29 اپریل 2025 14:14

لاہور (اُردو پوائنٹ اخبارتازہ ترین - این این آئی۔ 29 اپریل2025ء)صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق نے علامہ اقبال انٹرنیشنل ایئرپورٹ لاہور پر عازمین حج کے اعزاز میں منعقدہ تقریب میں بطور مہمان خصوصی شرکت کی۔اس موقع پر چیف آپریٹنگ آفیسر پاکستان ایئر پورٹس اتھارٹی چوہدری نواز، ڈی جی اینٹی نارکوٹکس برگیڈیئر چوہدری سکندر حیات، ڈائریکٹر حج سینٹرل پنجاب محمد رضوان شریف، کسٹم حکام، ایف آئی اے حکام و دیگر متعلقہ محکمہ جات کے افسران موجود تھے۔

(جاری ہے)

اس موقع پر صوبائی وزیر صحت خواجہ سلمان رفیق نے عازمین حج کو پھولوں کے ہار پہنائے اور کیک بھی کاٹا۔صوبائی وزیر صحت خواجہ سلمان رفیق نے تقریب کے شرکاء سے اپنے خطاب میں کہاکہ عازمین حج کو حجاز مقدس کا متبارک سفر مبارک ہو۔ اللہ تعالیٰ نے عازمین حج کو مدینہ منورہ کا پاک سفر نصیب کیا ہے۔خواجہ سلمان رفیق نے کہاکہ یہ عازمین حج کی لاہور سے پہلی فلائٹ ہے۔ مدینہ کے سفر کا ہر مسلمان خواہش مند ہوتا ہے۔ عازمین حج روضہ رسول صلی اللہ علیہ وآلہ وسلم پر اہل وطن کو اپنی دعاؤں میں ضرور یاد رکھیں۔