![UrduPoint](https://photo-cdn.urdupoint.com/daily/images/Logos/up-logo-mobile-ur.png)
ناقص کارکردگی کے باوجود قومی کرکٹرز کی جیبوں میں لاکھوں روپے آئیں گے
مجموعی طور پر ایک کھلاڑی کو تقریبا 76 لاکھ روپے سے زائد رقم ملے گی، موجودہ پی سی بی انتظامیہ آئی سی سی کا شیئر پلیئرز کو دینے کے حق میں نہیں ، نظرثانی ہوگی، قانونی معاملات حائل نہ ہوئے تو یہ سلسلہ روک دیا جائیگا
ذیشان مہتاب
جمعہ 28 جون 2024
12:45
![ناقص کارکردگی کے باوجود قومی کرکٹرز کی جیبوں میں لاکھوں روپے آئیں گے](https://photo-cdn.urdupoint.com/show_img_new/daily/todayNewsLive/2024/420x350/pic_d7290_1718963301.jpg._2)
(جاری ہے)
2 میچز جیتنے پر 62308 ڈالر (تقریبا ایک کروڑ 75 لاکھ روپے) بھی گرین شرٹس کو ملنے ہیں، تقریبا 11 لاکھ کا ایک حصہ ہو گا۔
مجموعی طور پر تقریبا 76 لاکھ روپے سے زائد رقم ایک کھلاڑی کو ملے گی، اس میں اسپانسر لوگو منی شامل نہیں ہے۔ یاد رہے کہ گذشتہ سال کھلاڑیوں نے پی سی بی پر دباؤ ڈال کر سینٹرل کنٹریکٹ کی مد میں من پسند معاوضے طے کروائے تھے، بورڈ سے آئی سی سی سے ملنے والی رقم کا تین فیصد حصہ بھی لینے کی منظوری لی گئی تھی،نئے معاہدے میں ٹیسٹ میچ فیس 12 لاکھ 57 ہزار 795 ہو گئی تھی،ایک ون ڈے انٹرنیشنل کھیلنے کا معاوضہ 6 لاکھ 44 ہزار620 روپے ہو چکا، ایک ٹی ٹوئنٹی میچ کھیلنے پر کھلاڑیوں کو 4 لاکھ 18 ہزار 584 روپے دیے جاتے ہیں۔ اے کیٹیگری میں شامل بابراعظم، محمد رضوان اور شاہین شاہ آفریدی کو202 فیصد اضافے سے ماہانہ45 لاکھ روپے کنٹریکٹ کے ملے تھے،2023-24 کی آئی سی سی آمدنی کا 3 فیصد حصہ15لاکھ 30 ہزار بنا، یوں رواں دورانیے میں ماہانہ 60 لاکھ 30 ہزار روپے ان کے اکاؤنٹ میں منتقل ہوئے، بی کیٹیگری میں موجود سرفراز احمد، فخرزمان، حارث رؤف، امام الحق، محمد نواز، نسیم شاہ اورشاداب خان کی ماہانہ تنخواہ144 فیصد اضافے کے بعد 30 لاکھ روپے ہو چکی، اس میں آئی سی سی شیئر کے11 لاکھ 47 ہزار 500 جمع ہونے سے انھیں ماہانہ41 لاکھ 47 ہزار 500 روپے دیے گئے۔ 135 فیصد اضافہ پانے والے سی کیٹیگری میں شامل عماد وسیم ، عبداللہ شفیق،ابرار احمد اور نعمان علی کے 10 لاکھ روپے ماہانہ میں آئی سی سی کے7 لاکھ 65 ہزار شامل ہوئے، یوں وہ ہر ماہ 17 لاکھ 65 ہزار روپے وصول کر رہے ہیں،127 فیصد اضافے کے ساتھ ڈی کیٹیگری میں جگہ پانے والے فہیم اشرف، حسن علی،افتخار احمد، احسان اللہ، محمد حارث، محمد وسیم جونیئر، صائم ایوب، سلمان علی آغا، سعود شکیل، شاہنواز دھانی، شان مسعود، اسامہ میر ، زمان خان،ارشد اقبال، عامر جمال اور طیب طاہر کی ماہانہ تنخواہ ساڑھے 7 لاکھ روپے ہے۔ اس میں آئی سی سی کے 3 لاکھ 82 ہزار 500 روپے جمع ہونے سے انھیں ہر ماہ11 لاکھ 32 ہزار500 روپے دیے گئے۔ معاہدے کے تحت2024-25 اور2025-26 میں آئی سی سی شیئر بڑھ کر 20 لاکھ 70 ہزار ماہانہ (اے کیٹیگری )15 لاکھ 52 ہزار500 ( بی کیٹیگری )10 لاکھ 35 ہزار (سی کیٹیگری ) اور5 لاکھ 17 ہزار 500 (ڈی کیٹیگری ) ہو جائے گا، یوں چاروں کیٹیگریز کو ہر ماہ 65 لاکھ 70 ہزار (اے) 45 لاکھ 52 ہزار 500 (بی )20لاکھ35ہزار 500 (سی ) اور12 لاکھ 67 ہزار 500 ( ڈی ) ملیں گے۔ البتہ پی سی بی کی موجودہ انتظامیہ آئی سی سی کا شیئر پلیئرز کو دینے کے حق میں نہیں ہے، اس پر نظرثانی ہوگی،اگر قانونی معاملات حائل نہ ہوئے تو یہ سلسلہ روک دیا جائے گا۔ بورڈ نے گذشتہ برس کے بجٹ میں سینٹرل کنٹریکٹ کی مد میں کرکٹرز کیلیے528 ملین روپے مختص کیے تھے، اس میں آئی سی سی کی آمدنی کا 3 فیصد حصہ 220.3 ملین اضافی بھی شامل کیے گئے، مجموعی طور پر یہ رقم 74 کروڑ 83لاکھ (748.3 ملین) روپے بنی تھی۔ پی سی بی پر دباؤ ڈال کر اپنی مرضی کا سینٹرل کنٹریکٹ پانے والے پاکستانی ٹیم بھارت میں گذشتہ برس ستمبر،اکتوبر میں منعقدہ ون ڈے ورلڈکپ کے سیمی فائنل میں بھی جگہ نہ بنا سکی،بابر اعظم کی زیرقیادت9 میچز میں سے 5 میں بھارت، آسٹریلیا، افغانستان، جنوبی افریقہ اور انگلینڈ کیخلاف شکست ہوئی، نیدرلینڈز، سری لنکا، بنگلہ دیش اور نیوزی لینڈ کی نسبتا کمزور ٹیموں کو ہرایا، دسمبر 2023 اور رواں سال جنوری میں آسٹریلیا سے تینوں ٹیسٹ میں بدترین ناکامیوں کا سامنا کیا۔ قیادت شان مسعود نے سنبھالی ہوئی تھی، رواں سال جنوری کے دورئہ نیوزی لینڈ میں شاہین شاہ آفریدی کی زیرقیادت ٹی ٹوئنٹی سیریز میں 1-4 سے مات ہوئی، اپریل میں نیوزی لینڈ کی اسٹارز سے محروم ٹیم سے ہوم ٹی ٹوئنٹی سیریز میں بابر اعظم کی بطور کپتان واپسی ہوئی، ایک میچ بارش کی نذر ہوا جبکہ سیریز 2-2 سے برابر رہی، مئی میں آئرلینڈ کیخلاف پہلے ٹی ٹوئنٹی میں ناکامی کے بعد بقیہ دونوں میچز جیت کر گرین شرٹس نے سیریز اپنے نام کی،اسی ماہ انگلینڈ میں 2 ٹی ٹوئنٹی بارش کی نذر ہوئے جبکہ بقیہ دونوں میچز میں شکست ہوئی۔ جاری ٹی ٹوئنٹی ورلڈکپ میں پاکستان کو امریکا کی کمزور ٹیم کے بعد بھارت نے بھی زیر کر لیا، کینیڈا اور آئرلینڈ کیخلاف فتوحات سپر8 میں لے جانے کیلیے ناکافی ثابت ہوئیں، ٹیم کی ٹی ٹوئنٹی رینکنگ 7 ہو چکی ہے، ماضی میں طویل عرصے تک گرین شرٹس نمبر ون رہے تھے۔ نئے کنٹریکٹ کے بعد ٹیم کو 18 میں سے 11 ٹی ٹوئنٹی میچز میں شکست ہوئی جبکہ صرف 7 فتوحات ملیں،تینوں ٹیسٹ میں بھی ناکامی کا سامنا کرنا پڑا جبکہ 9 میں سے 4 ون ڈے جیتے اور 5 میں مات ہوئی۔اس وقت سب سے زیادہ پڑھی جانے والی خبریں :
Your Thoughts and Comments
مزید خبریں
-
پٹرول 7 روپے 45 پیسے اور ڈیزل 9 روپے 56 پیسے فی لٹرمہنگا
-
ٹی ٹوئنٹی ورلڈ کپ، انفرادی کارکردگی کے لحاظ سے افغانستان کے پلیئرز سرفہرست
-
فضائی میزبان کی طبعیت خراب ہونے پر غیر ملکی ائیرلائن کی پرواز کی کراچی ائیرپورٹ پر ہنگامی لینڈنگ
-
کندھ کوٹ،پولیس موبائل کو حادثہ،4اہلکار جاں بحق 3زخمی
-
غیر اعلانیہ اورطویل لوڈشیڈنگ کیخلاف ملک کے مختلف شہروں میں احتجاج و مظاہرے
-
ڈیرہ اسماعیل خان ایئرپورٹ کے روٹ کو عارضی طور6 ماہ کیلئے بند کرنے کافیصلہ
-
رواں سال خیبرپختونخواہ میں دہشتگردوں کے خلاف1 ہزار 433 انٹیلی جنس بیسڈ آپریشنز کئے گئے،سی ٹی ڈی
-
آفتاب شیر پاﺅ نے وزیراعظم شہباز شریف کو اپوزیشن کو ساتھ لیکر چلنے کا مشورہ دیدیا
-
کراچی،پکنگ پر جانے والی بس کو حادثہ،7افراد جاں بحق
-
لیسکو نے بجلی کے نئے کنکشن کی فیس میں اضافہ کر دیا
-
نان فائلرز کی سمز بلاک کرنے میں ناکام رہنے والی ٹیلی کام کمپنیوں پر بھار ی جرمانے عائد کرنے کاعندیہ
-
لاہور ہائیکورٹ نے محسن نقوی کوسینیٹ کی نشست سے نااہل قرار دینے کی درخواست سماعت کیلئے مقرر کر دی
-
ضلع کرم ،شادی کی تقریب میں نامعلوم افراد کے دستی بم حملے میں 19 افراد زخمی
-
ہم دھکا سٹارٹ سے ن لیگ کی حکومت چلارہے ہیں،نبیل گبول
-
خواجہ آصف کاافغانستان کے بارے میں موقف پاک افغانستان تعلقات میں بہتری کی علامت نہیں،مولانافضل الرحمان
-
پی ٹی آئی نے چیف جسٹس اسلام آباد ہائیکورٹ سے استعفیٰ کا مطالبہ کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.