غربت کی لکیر سے نیچے بسنے والوں کا معیار زندگی بدلنا ترجیح ہے، روبینہ خالد

چیئرپرسن بی آئی ایس پی روبینہ خالد سے اراکین قومی اسمبلی کی ملاقات

جمعرات 27 جون 2024 22:51

غربت کی لکیر سے نیچے بسنے والوں کا معیار زندگی بدلنا ترجیح ہے، روبینہ خالد

ٰاسلام آباد(اُردو پوائنٹ اخبارتازہ ترین - آن لائن۔ 27 جون2024ء) چیئرپرسن بی آئی ایس پی روبینہ خالد سے اراکین قومی اسمبلی نے ملاقات کی۔ایم این اے ڈاکٹر شاہدہ رحمانی، جمال رئیسانی، علی جان مزاری ملاقات کرنے والوں میں شامل تھے۔

(جاری ہے)

ملاقات کے دوران بی آئی ایس پی سمیت باہمی دلچسپی کے امور پر تبادلہ خیال کیا گیا اورسینیٹر روبینہ خالد نے پارلیمنٹیرینز کو بی آئی ایس پی کے پروگرامز پر بریفنگ دی جبکہ پارلیمنٹریز نے روبینہ خالد کو حلقوں میں بی آئی ایس پی بارے مسائل سے آگاہ کیا۔

روبینہ خالد کا کہنا تھا کہ غربت کی لکیر سے نیچے بسنے والوں کا معیار زندگی بدلنا ترجیح ہے،بی آئی ایس پی سیاسی وابستگیوں سے بالاتر ہو کر خدمات انجام دے رہا ہے‘بی آئی ایس پی کا دائرہ کار ملک کے دور دراز علاقوں تک بڑھایا جا رہا ہے۔انہوں نے کہا کہ بی آئی ایس پی تخفیف غربت اور سماجی تحفظ کا آئینہ دار ہے۔سینیٹر روبینہ خالد نے پارلیمنٹرینز کو پروگرام سے متعلقہ مسائل کے حل کی یقین دہانی کرائی، ارکان نے ملاقات پر اطمینان کا اظہار کیا۔