qحارث رئوف نے فلوریڈا میں پیش آئے واقعے پر خاموشی توڑ دی

۷لاہور (اُردو پوائنٹ اخبارتازہ ترین - آن لائن۔ 19 جون2024ء) پاکستان کرکٹ ٹیم کے فاسٹ بولر حارث رئوف کا فلوریڈا میں پیش آنے والے واقعے پر ردعمل سامنے آگیا۔حارث رئوف نے سوشل میڈیا سائٹ ایکس(سابق ٹوئٹر)پر اپنا بیان جاری کیا جس میں انہوں نے کہا کہ 'میں نے اس معاملے کو سوشل میڈیا پر نہ لانے کا فیصلہ کیا تھا، لیکن اب ویڈیو سامنے آچکی ہے، تو مجھے لگتا ہے کہ اس صورت حال پر بات کرنا ضروری ہی'۔

(جاری ہے)

فاسٹ بولر نے کہا کہ 'عوامی شخصیات ہونے کے ناطے، ہم عوام سے ہر قسم کے تاثرات حاصل کرنے کے لیے تیار ہیں، فین ہمارے اوپر ہمیں حمایت یا تنقید کرنے کے حقدار ہیں، لیکن جب بات میرے والدین اور میری فیملی کی آئے گی تو میں اس کے مطابق جواب دینے میں کوئی ہچکچاہٹ محسوس نہیں کروں گا'۔انہوں نے کہا کہ 'لوگوں اور ان کی فیملی کو احترام دینا ضروری ہے، خواہ ان کا پیشہ کچھ بھی ہو'۔واضح رہے کہ فلوریڈا میں قومی کرکٹر حارث رئوف کی فین کے ساتھ الجھنے کی ویڈیو وائرل ہوئی تھی جس میں حارث رئوف اور فین کے درمیان فوٹو بنانے کے لیے تکرار ہوئی۔حارث اپنی اہلیہ کے ساتھ تھے کہ مبینہ طورپر فین نے انہیں گالی دی، جس پر حارث اسے مارنے کیلیے دوڑے، اہلیہ اور دیگر فینز نے بیچ بچائو کروادیا۔