سوات ،پولیس نے سانحہ مدین کیس کے 3اہم مرکزی ملزمان کو گرفتا رکرلیا

سوات(اُردو پوائنٹ اخبارتازہ ترین - این این آئی۔ 26 جون2024ء) سوات پولیس نے سانحہ مدین کیس کے 3اہم مرکزی ملزمان کو گرفتا رکرلیا۔یاسر، غفران اور قاری انعام الرحمٰن کو گرفتا ر کے بعد تفتیش کے لئے نامعلوم مقام پر منتقل کردیا گیا ہے۔ اب تک گرفتار کئے جانے والے افراد کی تعداد30 ہوگئی جبکہ نامز 19 ملزمان سمیت 2500 نامعلوم ملزمان کی گرفتار ی کے لئے کارروائی جاری ہے۔

ڈی پی او سوات ڈاکٹر زاہد اللہ کے مطابق20جون کومدین کے ایک مقامی ہوٹل میں توہین مذہب کے واقعے کے بعد تھانے پر حملہ اور جلاؤگھیراؤسمیت مبینہ گستاخ شخص محمدسلیمان سکنہ سیالکوٹ کے قتل میں ملوث مزید 9 افراد کو گرفتا رکرلیا گیا ہے۔ جس کے بعد واقعے میں ملوث گرفتار افراد کی مجموعی تعداد 30 ہوگئی۔مزید 9 گرفتار ملزمان کو آج جمعرات کے روز عدالت میں پیش کیا جائے گا اور جسمانی ریمانڈ کی درخواست کی جائے گی۔

(جاری ہے)

اس سے قبل 21 افراد کو گرفتا رکرکے ان کا 10 روزہ جسمانی ریمانڈ حاصل کرلیا گیا ہے۔ڈی پی او ڈاکٹرزاہد اللہ نے بتایا کہ واقعے میں ملوث دیگر19 نامزد ملزمان کو بھی جلد گرفتارکرلیں گے ، جن کی تلاش کے لئے کارروائی جاری ہے۔ انہوں نے بتایا کہ ویڈیوز کی مددسے واقعے میں ملوث دیگر ملزمان کی گرفتاری کے لئے بھی کارروائی جاری ہے اور بہت جلد قانون ہاتھ میں لینے والے افراد کوقانون کی گرفت میں ہوں گے۔ انہوں نے کہاکہ ملوث ملزمان کی نشاندہی ویڈیوز کی مدد سے کی جارہی ہے۔