26 جون کو منشیات کے عالمی دن کے موقع پر پاکستان کوسٹ گارڈز کی جانب سے تقریب کا انعقاد

اوتھل (اُردو پوائنٹ اخبارتازہ ترین - این این آئی۔ 26 جون2024ء) 26 جون کو منشیات کے عالمی دن کے موقع پر پاکستان کوسٹ گارڈز کی جانب سے تقریب کا انعقاد ،اس دن کو منانے کا مقصد اقوام عالم کو اسمگلنگ اور منشیات کے نقصانات سے اگاہی دلانا اور اس کی روک تھام، تلف کرنا اور معاشرے میں آگاہی پھیلانا ہے۔ منشیات کے عالمی دن کے موقع پر پاکستان کوسٹ گارڈز نے 6607 بوتلیں شراب،56 ٹن بیئر تلف کئے۔

آس کے علاوہ 1954 کلو گرام چرس، 7.55 کلو گرام ہیروئن، 61.5کلو گرام کرسٹل،10.13کلو گرام افیون ، 1500کلوگرام بھنگ اور دیگر متفرق اشیاء کو نذرِ آتش کیا گیا۔ پاکستان کوسٹ گارڈز کی پریس ریلیز کے مطابق منشیات انسانی جانوں کی زہر قاتل ہے اور ہر سال کئی قیمتی انسانی جانوں کے ضیاع کا سبب بنتی ہے۔

(جاری ہے)

اسمگلنگ اور منشیات کا ناسٴْور کس طرح ہماری پاکستانی قوم اور بین الاقوامی برادری کو معاشی طور پر نقصان پہنچا رہا ہے، ہم سب اس سے آگاہ ہیں۔

لہذا ہم سب کو مل کر اس کے خلاف جہاد کرنا ہوگا۔اس دن کی مناسبت سے پاکستان کوسٹ گارڈز ہر سال حسن شاہ مزارکے قریب پکڑی گئی ممنوعہ اسمگل اشیائ اور منشیات کے جلانے کی تقریب کا اہتمام کرتی ہے۔ پاکستان کوسٹ گارڈز نے اس سال بھی دو مرتبہ بالترتیب 19جنوری اور 27اپریل 2024* کو تقاریب منعقد کرتے ہوئے 6607 بوتلیں شراب،56 ٹن بیئر تلف کئے۔ آس کے علاوہ 1954 کلو گرام چرس، 7.55 کلو گرام ہیروئن، 61.5کلو گرام کرسٹل،10.13کلو گرام افیون ، 1500کلوگرام بھنگ اور دیگر متفرق اشیاء کو نذرِ آتش کیا گیاپاکستان کو سٹ گارڈز ہر سال منشیات کے عالمی دن کے حوالے سے اس تقریب کا انعقاد کر تی ہے تا کہ معاشرے میں اس ناسور کے خلاف آگاہی کو اجاگر کر سکے اور اس امر کا اعادہ کرتی ہے کہ آئندہ بھی منشیات کی روک تھام کے لیے ہمہ تن مصروف عمل رہتے ہوئے ملکی معیشت کو مستحکم کرنے میں اپنا کردار ادا کرتی رہے گی۔