نیویارک،پاک بھارت میچ کی میزبانی کرنے والے اسٹیڈیم کو گرانے کا کام شروع

نیویارک (اُردو پوائنٹ اخبارتازہ ترین - این این آئی۔ 27 جون2024ء) نیویارک میں پاکستان اور بھارت کے میچ سمیت دیگر مقابلوں کی میزبانی کرنے والے نسا کانٹی کرکٹ گرائونڈ کو ختم کرنے کے کام آغاز کردیا گیا ہے۔

(جاری ہے)

9 جون 2024 کو اسٹیڈیم نے پاک بھارت میچ کی میزبانی کی تھی، اس روز 34 ہزار 32 افراد نے اسٹیڈیم میں میچ دیکھا۔6 ماہ میں تعمیر اسٹیڈیم اگست 2024 میں مکمل طور پر ختم ہوجائے گا۔ اسٹیڈیم میں چار ڈراپ ان پچز کو ختم نہیں کیا جائے گا۔250کروڑ روپے کی لاگت سے اسٹیڈیم آئزن ہاور پارک نسا میں تعمیر کیا گیا تھا۔ عارضی اسٹیڈیم میں آئی سی سی 20 ورلڈکپ 2024 کے 8 میچز کھیلے گئے۔